Popular Bible Verses from EKSODA 9

Share

Empa ke o tloheletse hona hoo, ke bonahatse matla a ka ka wena, le hore lebitso la ka le tume lefatsheng lohle.

Yaba Jehova o re ho Moshe: Eya ho Faro, o re ho yena: Ho thwe ke Jehova, Modimo wa Baheberu: Lokolla setjhaba sa ka, se ye ho ntshebeletsa.

Hobane hojane ke otlolotse letsoho la ka, ka o otla, wena le setjhaba sa hao, ka lefu le akaretsang, o ka be o timetse lefatsheng.

bona, letsoho la Jehova le tla ba boima hodima mehlape ya hao e naheng, dipere le diesele le dikamele le makgomo le manku, ka lefu le leholo ka ho fetisisa. Jehova o tla kgetha mehlape ya Iseraele ho mehlape ya Baegepeta, mme ha ho ka ke ha eshwa letho la tsohle tsa bana ba Iseraele.

bona, hosasa, ka nako ena, ke tla nesa sefako se seholo ka ho fetisisa, seo ho esong ho be se jwalo Egepeta, haesale e eba teng ho fihlela la kajeno. Romela jwale, o balehise mehlape ya hao, le tsohle tsa hao tse naheng, hobane batho bohle le diphoofolo tse fihlelwang naheng, tse sa kang tsa phuthelwa matlung, sefako se tla di otla, mme di tla shwa.

O tla fetoha lerole le lesesane naheng yohle ya Egepeta, o hlahise dithopane, le lekgopho le etsang diso ho batho le ho diphoofolo naheng yohle ya Egepeta. Yaba ba nka molora seboping, ba hlaha pela Faro; Moshe a o hasanyetsa hodimo, wa hlahisa dithopane le lekgopho le etsang diso ho batho le ho diphoofolo.