Popular Bible Verses from Luke 8

Share

Ikemu ayeghi kivi lo apitì vesülu keu ye xüpivi chekemi eno amlo kivimiqo, panongu ye Alhou tsa chilu no ikhilu kemiqo, eno akumto shikeu vechewo athi kutomo pithílu kemiqo ke.

Apitì asahu gholo ikiqi ilove keu kiqi ye Alhou tsa chiluve kemiqo, ikemu aküxü lo mloküsa, kinikülü lo amlo tsü eno ashi pulou shikeu vechewo panongu ye thuwu mülave no ghüsüve keu kiqi ke.

Apitì atusaye yeghi shou ikiqi keqo ye Alhou tsa chilu kelo alokivishi ikhilu keqo ke; ikemu panongu ye akuhu qüsümoe. Ikehu ado kitila ghenguno pülüa no thekuju ighi kelo ikiqive kemiqo ke.

Pa no akhopemiqo vilo iniju, “Nongu küpülü khile ani kea?” Akichiqhi eno akümsa lau no akhopemi lakhi no lakhi vilo pi: “Hiye khuu kea? Pa no amlhü ngò azü vilo ghí azah tsü anie, eno tipaqo no pa gholu anie.”

Apitì alà lo ikiqive keqo ye chiluve kemiqo, ikemu tüghami no ighino panongu mlo lono atsa ikhisüwuve tsüke miqo, tiye panongu pelo pülü eno xalu pemo niye ke.

Kughengu küsüpe püakeu lakhimu pephe-piyemo keu shimo nani eno nhapüa keu lakhimu ithive pemo keu shimo nani.

Ikelo atotiu hu ye itshü müla keu ithive, eno khokhoshi Jisü pukhuphi lo ikiqive. Li no tile akemi kümtsü zülo no li ye kushiye pa bu eno kíshi bukhavi lono viluve keno pie. Jisü no li vilo pi, “Angá, O küpülü no O shipivivae. Aloino wolo.”

Akhopemiqo no wu no Jisü küdaputhu ghi pi, “Ampeu, Ampeu, ningu pütsüqhive niye shivae!” Jisü no idaithughi püzü amlhü eno azü fukucho lomipi ikelo amlhü ye iqüighai ngove eno thowkha shishe iqünheive.