Popular Bible Verses from Apostolmi 1

Share

Ikemu kughou Aghungu Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”

Pa no panongu vilo pi, “Nongu ye Apù no paw kükagha lono ado momu atsala pekithi pe püakeu ithi moayesa keu kumoe.

Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhi kevilo, ikemu I pù no aghò tsüní ipi piqhipüa keu ngokhe lo. I no aghò tipau ghili piche keu nongu no chiluvea.” Kughengu John ye azü lono baptiz shitsü ke, ikemu atsala hami thiu nongu ye Aghungu Kimthe lono baptiz shitsü nani.

Pa kithí ghime thiu, pa no timiqo lau ipeghi pìye eno pa ye xü aphi kepi pülükulupu michipuqo kutomo pìye ke. Pa no atsala lhobidi kutólo panongu lau ipeghi pìye eno Alhou kükaphu ghili pesü pi acheke.

Pa no hi pive kethiu, panongu nhekithe lono pa ye kunguu saikuve, eno khüngküsü amqo lakhi no pa nhaluve püzü panongu ye pa ithumlave.

Panongu no anhesüküqümo no atsütsǘ lo pa no wuche keu ju akelo ye, zülilekhavi lono timi kini aphì kimiyé pepu no panongu phivilo puthugho ngove. Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”