Popular Bible Verses from Markus 13

Share

Dəhə nji kwa ngya hi, aka tləm ɗa. Kəl ja, ndə nda tə səsə'uti tsa'a ya tə udiya, cho uya mbəɗa.

Hya gəla hya ngya na ɓəla, aka a da hya kwa zəndə bəji nda sə'ingə kwa ɗa tə wa.

Ma nda səya hi ga shili na hi ka nja jau hi, ngwa hya da ɗəngha təkəra sə nda hyo pə wa. Kəl nda hya pə dəhə sənda nja fəu ku nya hi ku ngawa bəji, aka Shanguɗə Karti ngə kwa ɓwanya, a da nahi wa.

Huɗamələm ana hə'i kwa zhazha, kəl ja, ɓwanya ɗa da kwa zhazhə pa'a wa.

“A ndə da zəndə pəchi ndara sakanda sə'ingə kwa ɗa wa, mada chama Hyel i, ndara zər, kəl nda Ada zhang tanyi.

Ma hya ngatə nja kwa pa ana nja kwa pə ɓwanyar pa, ngwa hya da ləvər wa. Tuku ngə sə'ingə kwa ɗa, kəl ja, batəbatər bəji da taa ɗa gwadagə wa.

“Aka əngə ja, hya ngya na ɓəla aka a da hya zəndə pəchi nda tlakər ki kwa shili tə wa, ndara a ba akəu, ndara adala vu'i, ndara tiwir vəgəm, ndara ba mbudla. Ngwa hya ba i cha shili ghahəya hi hyo njihanyi wa. A nar hi təya sənda ya nar nyi nə madawa, ‘Hya ngya na ɓəla!’ ”

Vanya hə'i kwa pa na vanya hə'i, ka təl ka təl tsəu kwa pa kərnənda, huɓa kwa tla, ana hə'i kwa dzədzə tə mbwa pampaməu. Kəl ja, dəhə sə'ingə wi tangərmar ɓwaɓwatər ɓəlakərya tanyi nga.

Tuku kəl nja ghəya na bəzə Mafakə Mənakə nə dəhə nji.

Nji ɗang kwa nda shili ku tləm ɗa, nda kwa na ‘Naya ngə nacha,’ Əngə nda kwa shandə nyi kər nə nji ɗanghəu.

“Ma sə'ingə dəhə kwa ɗa, hya ngya na ɓəla! Njo yi na hi ku vi nəuma njirawawa'a njo dəgə hi na wuɗa ku vi pətlənya. Hyo ta'i biyamar nji təltəl aka nahi njir nəu ɗa hi. Kəl ja, aku bəji nə ngə hyo ɓwanya təkəra ya.

Aka Kəristi nə gəzhi ana njir mətakər gəzhi kwa chabiyadza, nda kwa shili mər səshinshin ana sər muniya ka ga nda shandə nyi kər nə nji ɗəmɗəm nə Hyel, macha kwa nau nda.

“Ahir bəjir ɓwaɓwatə inga, ‘Pəchi kwa gu kutla, A tsə'u hya da kwa mbəl wa, sasəlga tsəu nda kwa pəpə səya kya huɗamələm, ana gyalkur huɗamələm i kwa dzədzi.’