Popular Bible Verses from ɛLuka 13

Share

“Maa Kyanke nyini nɛ, ɛ lel ɛn ɛnu ne izuk ɛnggbyak ka, daa ɛli nɛ ninyi na gbom sɛ tɔk tɛ nibhɛ sɛ nibhɛ lel ɛnggyɛ wo, sɔng nibhɛ sɛ ne yɛɛ nɛ nang.

ɛdɛ ɛkuk ka kaa ne so ɛnggyɛ wo ne ikabyik niphoo kaa kuruk ɛbhɛ ita ishay ɛnduwubɔ ne iphɛ ɛnaras, ɛ te gyubhut, sɔng ɛ yɛɛ ne hyel tsik kang. Kɛ ne sɛ ɛYɛso gha kɛ yaang ɛbhɛ, ne ɛ yel-le ɛbhɛ ɛlɔ ɛbhɛ, ɛ yaak ɛbhɛ, “ɛGyinɛ ɛnyɛn, isha mo de kɛ tek kɛ.”

ɛYɛso gha ne ji bo iwɔ ɛbhɛ ɛ dad ɛbhɛ nɛ. Nɛ nten nɛ, ɛkuk ka ne shii te cik, ɛ yaa naas ɛTaanggbey ye ne ndiinday.

Ninyi na nɛ nibhɛ soye ninaa ɛtsim mɛ ɛlyilyɛghaa wo nang, nibhɛ sɛ ne teye ninaa ɛyisɛ yɛ. Ninaa ɛyisɛ na sɛ ne ji teye ninaa ɛtsim mɛ.”

Sɛ́ sɛ ɛhaa ne ijwee kɛ yilitsik ɛ cwaal ɛnu ne izuk ɛbhɛ gha, ɛ sɛ̀ ne ji kyinak ɛn ne izay ˆɛ yaa hal ɛn ɛlɔ yɛ, ˆɛ roro ɛn ɛ yɔng ɛn, ‘ɛNdiinday phaal njwii ɛlɔ yɛ!’ Ne ɛ ne ji kyii nɛ, ɛ yɔngɔ, ‘Sɔng nzi yɛɛ nyini nang, sɔng nzi ne yɛɛ ɛlɔ gha ne ɛ le ɛn nang.’ ”

Kwa! Sɔng ɛlɛy yang. Nzi ne tɔng nyini, wu ɛ kɛ ne sang san ɛn ɛbɔk, ɛ sɛ ne kus ɛn tɛ nibhɛ.”

“Gbik ne ɛ jung yɔngɔ, ‘Sɔng nzi yɛɛ nyini nang. Cwi ɛn gɔɔ, ɛ sɔ ɛn nyini nibebhe ninyi!’

ɛYɛso gha ne yɔngɔ, “iGbɔm ɛTaanggbey ba so te ikyee daa mɛɛ? Naa ten ifɛ ne kyee? iFɛ so te itsara iMɔsita, ne ɛdɛ ɛnyi gha kɛ tup ne ihwap ɛbhɛ. iHywɛ ne wuru, ihywɛ hɔn, ihywɛ teye ɛgbaang ɛhon, ninon ne ryɔng niryee nɛ ne ilaak kɛ.”