Popular Bible Verses from ɛYohana 21

Share

Kɛ ne sɛ nibhɛ kɛ taal re ire de, ɛYɛso gha ne yaak ɛSimɔn ɛBiturus segha, “ɛSimɔn ne ɛ soyɛ ɛngɔn ɛYohana, ɛ kɛ yɛk ne irway daa me ɛ phyin nisaabɛ naa?” ɛSimɔn na ne kyii nɛ ɛ yɔngɔ, “Ɛɛy ɛDaray yɔɔ, ɛ ma ku yɛɛ ɛli ne nzi sim-mɛ wo.” ɛYɛso ne yaak ɛbhɛ, “Wɛɛ ninɔn ntsabhak nge na.” ɛYɛso gha ne ta yel-le ɛbhɛ ɛhaa ne ifaa yɛ yaak ɛbhɛ, “ɛSimɔn ne ɛ soyɛ ɛngɔn ɛYohana, ɛ kɛ yɛk irway daa mee wo ɛtsak ghee?” Ne ɛ kyii nɛ ɛ yɔngɔ, “Ɛɛy ɛDaray yɔɔ, ɛ ma ku yɛɛ ɛli ne nzi sim-mɛ.” ɛYɛso gha ne yaak ɛbhɛ, “Wɛɛ ᐩigyol nge de.” ɛYɛso gha ne boote ne ɛSimɔn na ɛhaa ne itwat tɛ, ɛ yɔngɔ, “ɛSimɔn ne ɛ soyɛ ɛngɔn ɛYohana, Ɛɛ sim mee?” ɛSimɔn na ne bees irway daa ɛli ne ɛYɛso gha kɛ phom ɛhaa ne itwat ta ɛ yaak ɛbhɛ, “Ɛɛ sim mee?” Ne ɛ yaak ɛYɛso yegha, “ɛDaray, ɛ yɛɛ nikɔn na gbik, ˆɛɛ yɛɛ ɛli ne nzi sim-mɛ wo.” ɛYɛso gha ne yaak ɛbhɛ, “Hyep ᐩigyol nge de.

Nzi tɔng ngɛ itin nɛ, nten de ne ɛ tɔ ne ifas da, ɛ kaa ne i yɛk kɛ ne itsura, ɛ phɛ ɛlɔ gha ne irway mo bok kɛ wu te ɛ phɛ, yaa ne sɛ ɛ kɛ helem mo, aa ne yaa yinɛ ibɔ mo ɛhak ɛnyi bhɛ yɛk kɛ ne itsura ba ɛ bo yɛ ɛ phɛ nɛ ɛlɔ gha ne sɔng ɛ sim mang.”

ɛYɛso gha ne yaak nibhɛ, “Cwaak ɛn ɛkara mon no gɔɔ ne iwap ne irwye ne ikparak ko, aa ne sɛ ɛn ɛkɔn.” Nibhɛ ne cwaak ngɛ, ɛkara nibhɛ wo ne yaa bɛ nibhɛ hɔ yɛ, daa ɛli ne izing ngge kɛ leesel gbom.

ɛSimɔn ɛBiturus sa ne yaak nibhɛ, “Naa bhɛ lok izing.” Nibhɛ ne yɔngɔ, “Njwi yaa kungus sɛ.” iPhɛ ɛlɛy nibhɛ wuru nibhɛ bhɛ lel ne ikparak nibhɛ hyel. Nibhɛ ne re ɛtuk ka gbik, sɔng nibhɛ ne wum ɛkɔn nang.