Popular Bible Verses from ɛYohana 15

Share

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

Shɛɛ ɛn ndɔ mee, naa ne ma shɛɛ ndɔ mon. Sɔng idɛ ilywaak ko i yɛk ikpam ba nggenggerey yang, iphɛ so nggbinggbing ifɛ shɛɛ ɛhon ne inabi gha. ɛLɛy ne iphɛ so, sɔng aa yɛk ɛn ikpam ba tang ɛ so ɛn ndɔ me wo nang.”

Wu ɛ kɛ ne shɛɛ ɛn ndɔ me wo, ibol nge de ma shɛɛ ndɔ mon no, aa ne phom ɛn gbik nikɔn na ne ɛ sim ɛn, yaa ne mɔn nyini nɛ.

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

iShwim ba ne ifɛ shɛɛ so ne ɛnyi yaa tɔɔrek nitaay ya ifɛ so ɛlɛ; te ɛ nang iken ɛbhɛ ɛlɔ nibhɛ.

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

iKpii nge da ne so ɛlɛ: Sim ɛn nyini ɛli ne nggɛ sim nyini wo.

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

ɛYɛso gha ne yɔngɔ, “Mee nzo me ɛhon ne inabi ntin na, ɛKyɛɛ nge gha ɛbhɛ ji so ɛhaa ne ihwap pɛ.

ɛNyi gha ne hame ɛ so ndɔ me wo ɛ so te ilywaak ko ne kɛ tɛmɛ i hana ifɛ gɔɔ ifɛ howo. iHywee ne ilaak kɛdee nggyɛ wo ne i tang i bhɛ cwaak ndɔ ne igboo, igboo wo re iphɛ.

Nggɛ tɔng nyini ɛlɛ wo te irway ihwala nge da ne yɛɛs ndɔ mon, te irway ihwala mon da te hyɔrɔ.

Wu ɛ kɛ roos ɛn ikpii nge da, aa ne shɛɛ ɛn ndɔ ne ishwim nge da, ɛli ne nggɛ roos ikpii ɛKyɛɛ nge da n da shɛɛ ndɔ ne ishwim ɛbhɛ da.

ɛBɛ ɛbhɛ ne so ikpii nge da: Sim ɛn nyini.”

Wu ɛ so ɛn ninaa ɛzay ya, aa ne sim nyini tɛ ninyi ɛbhɛ. Ɛli ne ɛ ku yɛɛ ɛn no, sɔng ɛ so ɛn ninaa ɛzay ya nang, nggɛ yang kasa nyini ndɔ ɛzay, iphɛ phɛ kɛ ne te ɛzay ya yaa ne mbaray nyini wo.