Popular Bible Verses from ɛTomɛ 11

Share

Ne sɛ ɛBanabas sa kɛ bhɛ sɛ ɛShawulu yegha ne ɛ bo ɛbhɛ nibhɛ yɛɛs ne iNtakiya de. Nibhɛ ne bo ishay idaan nibhɛ shɛɛ ne idira ninaa ne roos de nibhɛ i mɛmɛ ninyi na nɛ gbom. Ne iNtakiya de ne kaa ne tsa nɛ yaa yeres ninaa ne roos sa niKirita na.

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik. ɛBanabas sa kaa ne ku so ɛnyi ɛyɛnɛng, hyɔrɔ ne iKabyik ɛTaanggbey gbik ne ìnang ne itin. Ninyi na gbom ne tes en ninaa ne roos ɛDaray yegha.

Wu ɛTaanggbey ya kɛ ne nang nibhɛ izɛɛng izaan nɛ ne ɛ kaa nang njwɛɛn no nten de ne njwɛɛn kaa nang ne itin nɛ ne ɛDaray ɛYɛso ɛKiriti gha, mee wo nggɛ ne hɔn nzɛɛ kyɛngɛ ɛTaanggbey yeghaa?” Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”