Popular Bible Verses from ɛTomɛ 1

Share

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛYɛso gha ne yaak nibhɛ, “ɛKyɛɛ nge gha zɔng ɛbhɛ bok igbɔm ne yɛk nɛ nituk ka ne nten nɛ, sɔng iphɛ so nggbinggbing ɛ yɛɛ ɛn nang.

Kaa ne sɛ ɛdɛ ɛtuk kɛ nɛ nibhɛ re ire, ɛYɛso gha ne boote, ɛ yaak nibhɛ, “Sɔng ɛ tek ɛn iYɛrushɛlɛm be nang. Hyep ɛn te kyi shwaak ɛkɔn na ne ɛKyɛɛ nge gha kɛ ku sim-mɛ wo nyɛɛn, ɛli ne nggɛ ku tɔng nyini wo. ɛYohana gha kaa Yaak ne iBatisima de ne inɛn, nituk kɛ kɛ ne mak bɔbɔk ne ya yaak nyini ne ibatisima de ne iKabyik ɛTaanggbey.”

Ɛtsim ne iku ɛbhɛ gha, ɛ kaa ne bhɛ tɔɔrek ito ɛbhɛ ɛlɔ ninyi yɛnaa nggyɛ wo ɛ mɔn nikɔn na gbom tɛ nibhɛ seng ncɛncɛng wu ɛ so ɛken. Ɛ kaa ne bo nituk nzuwubɔ nwaas ɛ mɔɔng ɛbhɛ wuru nibhɛ ɛ bol nɛ nibhɛ ibol ne igbɔm ɛTaanggbey da.

Ne sɛ ɛ kɛ boote ɛlɛ wo, ne bo ɛYɛso yegha ɛnu ɛyisɛ nibhɛ phɛɛs nɛ daa ne irywa. Idɛ inɔp be ne cwaal ɛbhɛ, sɔng nibhɛ tang yaang ɛbhɛ nang.

Kɛ ne sɛ ɛli nɛ nibhɛ kɛ see irwisɛ da daa ne irywa wo nibhɛ wɛɛ ɛli ne ɛ hyel lo, ninyi ifaa nɛ nibhɛ bok itsura ihwala ne shii yɛɛs nibhɛ kyinak cɛcɛk nɛ nibhɛ. Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”