Popular Bible Verses from EVASELIO A MATEO 7

Share

Koutou kole, pea e foaki atu anai kia koutou; koutou kumi, pea e koutou mau anai; koutou fisifisi, pea e avahi atu anai kia koutou.

Koteuhi ko ae e kole e ina tali, ko ae e kumi e ina mau, pea e avahi ki ae e fisifisi.

Koia, ko ae e logo ki te u folafola aeni e au fakaha pea e ina fai natou, e tatau anai ia ia mo he tagata poto ae nee ina fakatuu tona fale i oluga o te utu.

Ko te u mea fuli ae e koutou loto ke fai atu e te u tagata kia koutou, koutou fai feia natou kia natou, koteuhi koena te lao pea mo te kau polofeta.

Kae e lau veliveli te matapa, pea e lau veliveli mo te ala ae e na taki ki te mauli, pea e toko sii natou ae e natou mau.

Koutou ulu i te matapa lau veliveli. Koteuhi e lau lahi te matapa, pea e lau lahi mo te ala ae e na taki ki te maumau, pea e kaugamalie natou ae e ulu i ai.

Koia kapau ko koutou, ae e agakovi, e kotou iloi te foaki o ni mea lelei ki akotou fanau, pe e mole toe lahi age te fia foaki e takotou Tamai i selo o ni mea lelei kia natou ae e kole age kia ia?

Aua pe naa kotou fakamaau, o tupu ke aua naa fakamaaui koutou. Koteuhi e fakamaaui anai koutou aki te fakamaau ae nee kotou fai, pea e fuafua anai koutou aki te fua ae nee kotou fakaaoga.

Kae ko ae e logo ki te u folafola aeni e au fakaha, pea e mole ina fai natou, e tatau anai ia ia mo he tagata vale ae nee ina fakatuu tona fale i oluga o te one.

Kotea e ke sio ai ki te kii otaota ae e pipiki i te mata o tou tehina, kae e mole pe ke tokagai te foi lalago ae e pipiki i tou mata? Pe e feafeai tau lava palalau ki tou tehina: Tuku mua ke au too te kii otaota mai tou foi mata, ia koe ae e pipiki te foi lalago i tou foi mata?

Koutou tokaga ki te kau polofeta kaka. E natou omai kia koutou kua natou kofu o hage ko ni ovi, kae i loto ko ni lupo fekai natou. E kotou iloi anai natou i onatou fua. Pe e toli ni fuai vite i ni akau talatala, pee ko ni fiki i ni malualoi?

Ko te fuu akau lelei fuli e fua lelei, kae ko te fuu akau ae e kovi e fua kovi.

Ko he fuu akau lelei e mole feala ke fua ki ni fua e kovi, pee ko he fuu akau kovi ke fua ki ni fua e lelei.

Ko te u fuu akau fuli ae e mole fua ki ni fua lelei e tuusi anai ia ia, o li ki te afi.