Popular Bible Verses from Mateo 2

Share

Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Na tupu Sesu i Peteleemi i Sutea, i le temi o le sau ko Elote, ti na kaku mai se kau masi mei Olieto ki Selusalemi, ti na lotou pati : Kofea le Sau o le kau Sutea leia nao tupu fua ? Talie kua motou tio ki lona fetuu i Olieto, ti kua motou au o atolasio kiate ia.

I le lakaga leia na lotou tio ai ki le fetuu, na lotou apele loa i se fiafia lasi.

Ti na fakasa loa e le Atua kia latou i se moe miti ke aua na toe liliu kia Elote, ti na lotou toe liliu loa ki lolatou fenua i se tasi ake a ala. I le oki o lalatou mavae, na sa loa se aselo o le Aliki kia Sosefo i se moe miti, o pati : Tuu ki aluga, too le ga toe mo lona tinana, o sola ki Esipito, ti ke nofo i ai o kaku ki laku toe masau atu loa kiate koe, talie e afa loa le ga toe e Elote ke tamate.