Popular Bible Verses from Senesi 25

Share

Ti na pati loa le Eteleno kiate ia : E nofo ni puleaga e lua i lou manava, ti e mavae loa ni kakai e lua mei lou manava, o tasi mo ia lana aga, ti e makeke ake loa se tasi i le tasi. Ti e fakasausau loa le uluaki ki le muli.

Ti na pati loa Esau kia Sakopo : E kau kole atu kiate koe ke ke soli mai kiate au se pa lenitili mei le supa lena ke kau kai, talie kua kau gaegae ai. Ko le tupuaga a ia o le tuku o le igoa o Etome kia Esau.

Na faikole loa Isaake ki le Eteleno o tupu ko lana avaga, talie na paa a ia. Ti na tali loa e le Eteleno lana kole, ti na tinae loa lana avaga ko Lepeka.

Na tali loa Esau : Ko leinei au kua vave mate, kolea le aoga kiate au o le pule lena ? Ti na pati loa Sakopo : Fakapapau mai kiate au i le aso nei. Ti na fakapapau loa a ia kiate ia, ti na fakatau loa e ia lona pule o le uluaki vosa kia Sakopo.

Ti na vilo ake loa lona taina, leia na kukumi e lona lima le mulivae o Esau ; ti na soli loa kiate ia le igoa ko Sakopo. Na fetuu kau ono Isaake i le aso leia na la tupu ai.

Na alofa loa Isaake kia Esau, talie na kai a ia ki manu ala na kapu e ia ; kae na alofa Lepeka kia Sakopo.