Popular Bible Verses from Mak 14

Share

Na ɔzɛlɛle kɛ, “Egya! Me Papa, ɛkola debie biala yɛ; ye amaneɛnwunlɛ kɔpo ɛhye ɛkɛ ne maa me; noko akee, tɛ kɛmɔ mame mekulo la ɔ, na kɛmɔ wɔ ɛhulolɛdeɛ ne de la ɔ.”

Na ɔzele bɛ kɛ, “Bɛzinza, bɛzɛlɛ na bɛangɔndɔ munzule nu. Sunsum ne kulo na nwonane ne ɛngola.”

Bɛhakye ɛhye! Ewiade ye anu ɛleka biala mɔɔ menli kɛbɔ Edwɛkpa ne nolo la, bɛkɛha debie mɔɔ raalɛ ye ɛyɛ la bɛkɛva bɛkɛhakye ye.”

na ɔzele bɛ kɛ, “Nyane ɛha me dedee yeha me ɛkɛla mɔɔ wɔ me nu la. Bɛdɛnla ɛke na bɛzinza.”

Mɔɔ bɛgua zolɛ bɛlɛdi aleɛ ne la, Gyisɛse vale kpanwo, ɔyɛle Nyamenle mo, ɔbubule nu ɔvale ɔmanle ye ɛdoavolɛma ne na ɔzele bɛ kɛ, “Bɛlie bɛli, ɛhye a le me nwonane ne a.”

Akee ɔvale dwora ne mɔɔ nwanye ne wɔ nu la, ɔyɛle Nyamenle mo, ɔvale ɔmanle ye ɛdoavolɛma ne mɔ amuala nlonle bie na ɔzele kɛ, “Ɛhye a le me mogya ne mɔɔ bɛbahwi bɛamaa menli dɔɔnwo na ɔsɔ Nyamenle ngyekyeleɛ ne anloa la.

Akee Gyisɛse zele ye ɛdoavolɛma ne mɔ kɛ, “Bɛ muala bɛbanriandi me, ɔluakɛ Nyamenle Edwɛkɛ ne se, ‘Nyamenle bahu mboaneneavolɛ ne, na mboane ne mɔ amuala babɔ asande.’

Bɛdwazo bɛmaa yɛhɔ. Bɛnlea, sonla ne mɔɔ ɛye me ɛmaa la ɛne!”

Gyisɛse zele Pita kɛ, “Kakye ɛhye, ɔ nee mɔɔ akɔlɛ kabɔ fane nwiɔ la, ɛnee ɛdawɔ, wɔha ye fane nsa ɛnɛ nɔe kɛ ɛnze me.”