Popular Bible Verses from Luk 9

Share

Na ɔhanle ɔhilele bɛ muala kɛ, “Saa awie kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo kenle biala, na ɔdoa me.

Ɔluakɛ awie biala mɔɔ pele ye ngoane nwo la minli ye, na awie biala mɔɔ kɛminli ye ngoane wɔ me ti la kɛlie ye ɛkɛla ngoane.

Gyisɛse zele ye kɛ, “Awie biala mɔɔ kɛzɔ koanlɛ nu wɔ ye ɛya nu na ɔkɛtoto ɔ nye ɔ nzi la ɛnfɛta Nyamenle Belemgbunlililɛ ne.”

Saa sonla nyia ewiade ninyɛne muala na ɔminli ɔdaye mumua ne ɔ nwo anzɛɛ bɛko bɛfa ye a, ɛnee duzu nvasoɛ a ɔnyia ye a? Ɔnnyia ɛhwee!

Awie biala mɔɔ me nwo nee me ngilehilelɛ ne kɛyɛ ye nyiane wɔ ɛtane ewiade ye anu la, ɔdaye noko ɔ nwo bayɛ medame Sonla Ra nyiane wɔ mekɛ mɔɔ menwɔra anyunlunyia nee Selɛ ne nee Anwuma soanvolɛma nwuanzanwuanza ne anyunlunyia nu la.

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame Sonla Ra, menlɛ ɛleka mɔɔ meto me ti a.”

na ɔzele bɛ kɛ, “Awie biala mɔɔ kɛlie kakula ɛhye wɔ me duma nu la, ɛlie medame; yɛɛ awie biala mɔɔ kɛlie me la, ɛlie ahenle mɔɔ zoanle me la noko. Ɔluakɛ mɔɔ le bɛ nuhua ekyi la a le sonlakpole kpalɛ wɔ bɛ avinli a.”