Popular Bible Verses from Dw 1

Share

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra

Mekɛ mɔɔ bɛkabɔ ewiade la, ɛnee Edwɛkɛ ne wɔ ɛkɛ; Edwɛkɛ ne nee Nyamenle a wɔ ɛkɛ a, na Edwɛkɛ ne le Nyamenle.

Wienyi ne ta awozinli nu, na awozinli ɛngola ɛngye ye.

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Ɔ nwo zo yɛɛ Nyamenle luale yɛle ninyɛne kɔsɔɔti a; bɛangoati ye bɛanyɛ debie biala mɔɔ wɔ aleɛabo amuala la. Ngoane kɔsɔɔti vi Edwɛkɛ ne anu a ba a, na ngoane ɛhye a le menli wienyi ne a.

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Ɛnee Edwɛkɛ ne wɔ ewiade ye. Nyamenle luale ɔ nwo zo a bɔle ewiade a, noko ewiade amra ɛnze ye. Ɔrale ɔdaye ye maanle nu, na ye menli ne anlie ye.

Edwɛkɛ ne a le nɔhalɛ wienyi ne mɔɔ ta menli kɔsɔɔti anwo zo na ɔba ewiade la.

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.