Popular Bible Verses from Luka 12

Share

Yiti ɛmɔ koso, ɛ́mɔsiesie ɛmɔ nwo bésie; ɔnate kyɛ Sona Awa ne kɔwa mmerɛ bɔ ɛmɔ nye ɔlla so ɔ nu.”

Yiti ɛ́mɔpena Nyameɛ ahennie ne mmom, na ɔkɔfa ɛhemɔ amukoraa kɔboka ɛmɔ so.

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Ɔnate kyɛ, nekaa bɔ ɛmɔ agyapadeɛ wɔ ne, berɛ yeɛ ɛmɔ ahone koso wɔ ɔ.

Na ɛmɔ nu beni yeɛ ɔkɔhora kɔdwenedwene kɔfa ɛlɛho kɔtoa ye ngoa so ɔ?

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.

Ɛmɔ ti nwiaa po baha ye mukoraa. Yiti nnɛma ɛmɔsuro, na ɛmɔ nwo hia tra ngatipire pee!”

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Ɛ́mɔnea adene mɔ, bɛnyɔ boo, bɛngɔmva eboo so aleɛ, yeɛ belle aleɛ bɔ bafa basie ɔ anaa pata; nakoso Nyameɛ ma bɛ aleɛ. Aso ɛmɔ nwo nhia ndra nnomaa hɔ ɔ!

Sɔ ala yeɛ nnɛma ɛmɔpena bɔ ɛmɔkoli ɔ, anaa bɔ ɛmɔkɔno ɔ; yeɛ nnɛmɔmaa ɔyɛ ɛmɔ so adwenedwene.

Na sɛ Nyameɛ siesie eburo ndire bɔ ogyi berɛ ɛnɛ maa ɔyɛ nyemene, ná ɛhema bapɛ bayera ye foonoo nu po a, ɔkɔyɛ sɛɛ bɔ ongosiesie ɛmɔ ma ɛmɔ nwo ngɔyɛ nyemene ngɔtra so ɔ? Ɛmɔ bɔ ɛmɔ gyidie te kãa ɔ!

Nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.