Popular Bible Verses from KA ʻEUANELIO I KĀKAU ʻIA AI E LUKA 17

Share

ʻĪ maila hoʻi ʻo ia iā ia, “E kū ʻoe i luna, e hele aku; ua ola ʻoe i kou manaʻoʻiʻo.”

“A inā ʻehiku kāna hana hewa ʻana iā ʻoe i ka lā hoʻokahi, a inā ʻehiku kona huli ʻana mai iā ʻoe i ka lā hoʻokahi, me ka ʻōlelo, ‘Ua mihi au;’ e kala aku ʻoe iā ia.”

A ʻo kekahi o lākou i kona ʻike ʻana, ua hoʻōla ʻia ia, huli maila ia, hoʻonani akula i ke Akua me ka leo nui. A moe ihola i lalo ke alo, ma kona mau wāwae, hoʻomaikaʻi akula. No Samaria nō hoʻi ia.

“E mālama ʻoukou iā ʻoukou iho! A inā hana hewa kou hoahānau iā ʻoe, e aʻo aku ʻoe iā ia; a inā i mihi ʻo ia, e kala aku iā ia.

A laila ʻōlelo maila Iesū, nīnau maila, “ʻAʻole anei he ʻumi ka poʻe i hoʻomaʻemaʻe ʻia? ʻAuhea lā nā mea ʻeiwa?

ʻĪ maila hoʻi ka Haku, “Inā he manaʻoʻiʻo ko ʻoukou e like me ka hua mākeke, e hiki iā ʻoukou ke ʻōlelo i kēia lāʻau sukamino, ‘E hehu ʻia aku, a e kanu hou ʻia aku i ke kai,’ a e hoʻolohe nō ia iā ʻoukou.

“ʻO ka mea e hoʻopapau e mālama i kona ola nei, e lilo kona ola, a ʻo ka mea e lilo kona ola nei, e hoʻomau nō ia i kona ola.

¶ A laila ʻōlelo maila ia i kāna mau haumāna, “ʻAʻole loa e ʻole ka hiki ʻana mai o nā hoʻohihia ʻana; akā hoʻi, pōʻino ka mea e hiki mai ai ia! “Inā ua kau ʻia ka pōhaku kaʻa palaoa ma kona ʻāʻī, a e kiola ʻia ʻo ia i lalo i ke kai, e aho ia i ka hoʻohihia ʻana i kekahi o kēia mau mea ʻuʻuku.

“A e like me ka hana ʻana i nā lā o Noa, pēlā auaneʻi ka hana ʻana i nā lā o ke Keiki a ke Kanaka: ua ʻai lākou, ua inu hoʻi, ua mare aʻe, ua hoʻopalau ʻia nō hoʻi a hiki i ka lā i komo ai ʻo Noa i loko o ka hale lana, a hiki mai ke kai a Kahinaliʻi, a luku ihola iā lākou a pau.