Popular Bible Verses from KA ʻEUANELIO I KĀKAU ʻIA AI E IOANE 2

Share

Hana ihola ʻo Iesū i kēia hana mana mua ma Kāna i Galilaia, a hōʻike aʻela ia i kona nani; a manaʻoʻiʻo akula kāna poʻe haumāna iā ia.

ʻŌlelo maila Iesū iā ia, “E ka wahine, ʻo ke aha lā ia iā kāua? ʻAʻole i hiki mai koʻu manawa.”

ʻĪ maila ʻo Iesū iā lākou, “E hoʻopiha i nā ipu wai i ka wai.” Hoʻopiha iho lākou i ua mau mea lā, a piha loa. ʻĪ mai hoʻi ʻo ia iā lākou, “E hoʻokahe mai ʻānō, a lawe aku i ka luna ʻahaʻaina.” A lawe akula lākou.

ʻŌlelo maila ʻo Iesū iā lākou, “E wāwahi ʻoukou i kēia luakini, a e kūkulu hou aku au ia i nā lā ʻekolu.”

Hana ihola ia i mea hahau no nā kaula liʻiliʻi, a hoʻokuke akula ʻo ia iā lākou a pau i waho o ka luakini, a me nā hipa, a me nā bipi; lū akula i nā kālā o ka poʻe kūʻai kālā, a hoʻokahuli i nā papa; ʻōlelo maila ia i ka poʻe kūʻai manu nūnū, “E lawe aʻe i kēia mau mea mai kēia wahi aku; mai hoʻolilo ʻoukou i ka hale o koʻu Makua i hale kūʻai.”