Popular Bible Verses from KA ʻEUANELIO I KĀKAU ʻIA AI E IOANE 19

Share

A loaʻa iā Iesū ka vīnega, ʻī maila ia, “Pau akula!” A kūlou ihola kona poʻo, a kuʻu aku ia i ka ʻuhane.

¶ Ma hope aʻela, ʻike ihola ʻo Iesū, ua pau nā mea i ka hana ʻia, ʻī maila ia, i kō ai ka Palapala Hemolele, “Ua make wai au.”

ʻIke maila ʻo Iesū i ka makuahine, a me ka haumāna āna i aloha ai e kū ana, ʻī maila ia i kona makuahine, “E ka wahine, e nānā i kāu keiki!” A laila ʻī maila ia i ka haumāna, “E nānā i kou makuahine!” A mai ia hora mai hoʻokipa akula ua haumāna lā iā ia ma kona hale iho.

A hiki lākou i o Iesū lā, a ʻike aʻela, ua make loa ia, ʻaʻole lākou i uhaʻi aku i kona mau wāwae. Akā, ʻō akula kekahi koa i kona ʻaoʻao i ka ihe, a kahe koke mai nō ke koko a me ka wai.

No ka mea, ua hana ʻia kēia mau mea, i kō ai ka Palapala Hemolele, “«ʻAʻole e uhaʻi ʻia kekahi iwi ona».” Ua ʻōlelo mai hoʻi ma kekahi Palapala Hemolele, “«E nānā auaneʻi lākou i ka mea a lākou i ʻō aku ai».”

¶ A hele akula ia e hali ana i kona keʻa ma kahi i kapa ʻia ʻo ka Iwi Poʻo, a ʻo Golegota ma ka ʻōlelo Hebera.

Ulana ihola nā koa i lei aliʻi kākalaioa, a kau akula ma luna o kona poʻo, a kāhiko akula iā ia i ka ʻaʻahu ʻulaʻula