Popular Bible Verses from Yohane 15

Share

“Mi ji waintso lɛ, nyɛ ji niji lɛ. Mɔ ni hiɔ mimli ni mi hu mihiɔ emli lɛ, lɛ ewoɔ yibii pii; ejaakɛ kɛjeee miŋ lɛ nyɛnyɛŋ nɔ ko nyɛfee.

Nyɛhia mimli, ni mi hu mahi nyɛmli. Tamɔ bɔ ni tso nine nyɛŋ awo yibii lɛ diɛŋtsɛ akɛ ja ema waintso lɛ he lɛ, nakai nyɛ hu nyɛnyɛŋ akɛ ja nyɛhi mimli.

Kɛji nyɛhi mimli ni miwiemɔi lɛ hi nyɛmli lɛ, nyɛaakpa nɔ fɛɛ nɔ ni nyɛtaoɔ he fai, ni aaafee ahã nyɛ.

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Mɔ ko bɛ suɔmɔ ni da fe enɛ, akɛ mɔ kɛ ewala aaaŋmɛ shi ahã eshieŋtsɛmɛi.

Mihe nine fɛɛ nine ni wooo yibii lɛ, efolɔɔ ni eko fɛɛ eko ni woɔ yibii lɛ, ekpɔlɔɔ he, bɔ ni afee ni ewo yibii pii fe tsutsu lɛ.

Mikitã ji akɛ nyɛsumɔsumɔa nyɛhe tamɔ bɔ ni misumɔ nyɛ lɛ.

Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

“Mi ji anɔkwa waintso lɛ, ni miTsɛ ji okwaafonyo lɛ.

Kɛji mɔ ko ehiii mimli lɛ, ashɛɔ lɛ afɔ̃ɔ tamɔ tso nine, ni egbiɔ, ni abuaa naa awoɔ la mli, ni ashãa.

“Mikɛ nyɛ ewie enɛɛmɛi, koni mimiishɛɛ lɛ ahi nyɛmli, ni nyɛmiishɛɛ lɛ aye emuu.

Kɛji nyɛye mikitãi lɛ anɔ lɛ, nyɛaahi misuɔmɔ lɛ mli, tamɔ bɔ ni miye miTsɛ kitãi lɛ anɔ ni mihiɔ esuɔmɔ lɛ mli lɛ.

Enɛ ji kitã ni miwoɔ nyɛ, akɛ nyɛsumɔsumɔa nyɛhe.”

Eji je lɛ mli nyɛjɛ kulɛ, je lɛ aaasumɔ nyɛ akɛ lɛ diɛŋtsɛ emɛi, shi akɛni nyɛjɛɛɛ je lɛ mli, shi moŋ mihala nyɛ kɛjɛ je lɛ mli hewɔ lɛ, je lɛ nyɛɔ nyɛ lɛ.