Popular Bible Verses from Marcus 11

Share

Deirim libh d’á bhrígh sin: An uile rud ar domhan a bheidh agaibh ’á iarraidh i nbhúr n-úrnuighthe, creididh go bhfaghaidh sibh é agus gheobhaidh sibh é.

Go deimhin a deirim libh, an t-é a déarfaidh leis an gcnoc so: Tógtar thu agus caithtear sa bhfaraige thu, agus ná staonfaidh sé ’n-a chroidhe, ach go gcreidfidh sé go ndéanfar an rud adeir sé, déanfar é dhó.

Agus nuair a stadfaidh sibh chun úrnuighthe dhéanamh, má bhíonn aon nídh agaibh i gcoinnibh aoinne, maithidh dó é; ionus go maithfeadh bhúr n-Athair atá ins na flathais bhúr bpeacaí dhaoibh-se.

Agus d’fhreagair Íosa agus dubhairt sé leó: Bíodh creideamh Dé agaibh.

Agus bhí sé ag teagasg, agus dubhairt sé leó: Ná fuil sgríobhtha: Tabharfar tigh chun úrnuighthe do sna geintibh go léir ar mo thigh-se? Ach tá cuinigéar bitheamhnach déanta agaibh-se dhe.

Agus an mhuintir a bhí ar tusach agus ar deire bhíodar ag liúirigh, agus deiridís: Hósanna.

Is beannuighthe an t-é atá ag teacht i n-ainim an Tighearna. Is beannuighthe ag teacht an rígheacht so ár n-athar Dáibhid. Hósanna ins na flathais is aoirde.