Popular Bible Verses from Sant Jan 14

Share

Vous laisse la pas, vous doune ma pas; noun es coume la douno lou mounde que iéu vous la doune. Que noun se treboule voste cor, e que prengue pas pòu.

Ié diguè Jèsu: Iéu siéu la Draio, la Verita e la Vido; degun vèn vers lou Paire, senoun pèr iéu.

Que noun se treboule voste cor. Vautre, cresès en Diéu, agués fe tambèn en iéu.

Mai lou Counsouladou, lou Sant-Esperit, que lou Paire mandara en moun noum, vous ensignara touto causo, e vous remembrara tout ço que vous ai di.

Quau a mi coumandamen e li gardo, aquéu-d'aqui m'amo. Or, quau m'amo sara ama de moun Paire; tambèn iéu l'amarai, e me manifestarai à-n-éu.

E iéu pregarai lou Paire, e vous dounara 'n autre Cousouladou, pèr qu' éu demore emé vautre eternamen: L'Esperit de verita que lou mounde noun pòu recebre, estènt que lou vèi pas, e que lou counèis pas. Mai vautre, lou couneirés, pèr-ço-que restara 'mé vautre, e dins vautre éu sara.

E tout ço que demandarés au Paire en moun noum, lou farai, pèr que siegue, lou Paire, glourifica dins lou Fiéu. Se me demandas quaucarèn en moun noum, lou farai.

Se m'amas, gardas mi coumandamen.

Dins l'oustau de moun Paire i'a mai que d'uno estànci. S'èro pa 'nsin, vous l'auriéu di; car vau vous alesti uno plaço.

E quouro me sarai enana, e vous aurai alesti uno plaço, retournarai, e vous prendrai emé iéu, pèr qu'aqui ounte iéu siéu, tambèn vautre fugués.

Toumas ié diguè: Segnour, sabèn pas ounte anas; e coume pourrian counèisse la draio?