Popular Bible Verses from Marcus 12

Share

Agus dʼfhreagair Íosa é: Is í seo an chéad aithne acu uilig: Éist, a Israéil, is aon Dia amháin do Thighearna Dia, Agus grádhóchaidh tú do Thighearna Dia le do chroidhe go h-iomlán, agus le dʼanam go h-iomlán, agus le dʼintinn go h-iomlán, agus le do neart go h-iomlán. Is í seo an chéad aithne. Agus is cosamhail léi an dara ceann: Grádhóchaidh tú do chómharsa mar thú féin. Ní fhuil aithne eile ann is mó ná iad seo.

Agus ag gairm a dheisciobal chuige dó, dubhairt sé leo: Amén adeirim libh, is mó a chuir an bhaintreabhach bhocht seo isteach ná chuir an t-iomlán dár chuir rud san chiste. Óir thug siad-san uilig as an méid a bhí acu fá fhlúirse, acht as a ganntanas thug sí seo a raibh aice, a cuid deʼn tsaoghal go h-uile.

Agus ina shuidhe do Íosa ós cómhair sheomra an chiste, bhí sé ag breathnughadh na dóighe ina gcaitheadh an sluagh airgead isteach san chiste, agus chaitheadh mórán daoine saidhbhir an-chuid isteach. Agus nuair a tháinic baintreabhach bhocht áirithe, chaith sí dhá chianóig, oiread feoirlinge, isteach.

Agus é ghrádhughadh leis an chroidhe go h-iomlán, agus leis an tuigsin go h-iomlán, agus leis an anam go h-iomlán, agus leis an neart go h-iomlán, agus an chómharsa a ghrádhughadh mar dhuine féin: is mó sin ná gach íodhbairt dhóighte agus ofráil.

Agus dubhairt Íosa leo, ghá bhfreagairt: Ar an adhbhar sin, tabhairigidh do Chaesar na neithe is le Caesar, agus do Dhia na neithe is le Dia. Agus ghabh iongantas iad faoi.