Popular Bible Verses from Lukas 23

Share

Trus Yesus bilang, “Bapa, kas ampun dong, karna dong tra tau apa yang dong bikin.” Trus dong bagi Yesus pu pakean deng cara buang undi.

Yesus bilang, “Yang Sa bilang ini benar: Hari ini juga ko ada sama-sama deng Sa di surga.”

Baru de bilang, “Yesus, waktu Ko jadi Raja ingat sa lagi.”

Trus Yesus batariak deng kras, “Bapa! Dalam Bapa pu tangan Sa kasi Sa pu diri.” Habis bilang itu, Yesus kas lepas napas trakir.

Waktu dong sampe ke tempat yang pu nama Tengkorak, disitu dong kas salib Yesus deng dua orang jahat itu, satu di sebla kanan deng satu di sebla kiri.

Kira-kira jam 12 siang begitu, smua daera itu jadi glap sampe jam tiga sore, karna trada sinar matahari. Tiba-tiba hordein tebal di Ruma Allah tarobek bagi dua.

Begitu perwira liat smua yang su jadi, de puji Allah deng bilang, “Betul, De ni tra sala!”