Popular Bible Verses from Yohanes 1

Share

Tapi sapa saja yang trima deng percaya sama Dia, De kasi hak sama dong untuk jadi Allah pu anana.

Waktu pertama skali, Allah pu Kata-kata De su ada. Allah pu Kata-kata sama-sama deng Allah. Allah pu Kata-kata itu suda Allah.

Trang itu de menyala dalam glap. Glap tra bisa kas kala trang itu.

Jadi, Allah pu Kata-kata tu su jadi manusia, trus tinggal sama-sama deng kitong, tong su liat De pu kuasa yang besar. Kuasa itu De dapat dari De pu Bapa karna De tu Bapa pu Anak satu itu saja. Dalam Dia, ada smua yang benar, juga ada Allah pu baik yang tra habis-habis.

Lewat Dia, smua yang ada ini jadi. Trada satu yang bisa jadi, kalo De tra bikin. Smua hidup asal dari Dia. Hidup itu yang jadi trang untuk manusia.

De pu besok, Yohanes de liat Yesus datang ke dia, jadi de bilang, “Kam liat, De itu Allah pu Anak Domba! De yang nanti kas hapus manusia pu dosa.

De su ada dalam dunia, trus lewat Dia, dunia ini jadi. Tapi orang-orang di dunia ni tra knal Dia. De datang ke De pu dunia, tapi De pu orang sendiri tra trima Dia.

Trang yang asli yang kas trang smua orang, De ada datang ke dalam dunia.

Kitong dapat hukum agama itu dari Musa. Tapi Allah kas tunjuk De pu baik deng smua yang benar itu tong dapat dari Yesus Kristus.