Popular Bible Verses from Kejadian 32

Share

Orang itu bilang lagi, “Ko pu nama bukan Yakub lagi. Skarang ko pu nama Israel, karna ko su baku lawan sama Allah deng manusia, trus ko su menang.”

Trus orang itu de bilang Yakub, “Karna matahari su mo muncul jadi, kas tinggal sa pigi suda.” Tapi Yakub bilang, “Sa trakan kas biar ko pigi, kalo ko tra kas berkat sa dulu.”

Yakub de tinggal sendiri saja di sebla kali situ. Begini, ada laki-laki satu yang datang trus baku banting deng Yakub sampe su mo masuk pagi.

Trus Yakub de kas nama tempat itu Pniel, karna de bilang, “Sa su baku hadap muka deng Allah langsung, tapi sa masi hidup!”

Waktu orang itu de rasa kalo de tra bisa kas kala Yakub, de pukul Yakub pu ujung atas paha, sampe Yakub pu tulang paha tasala.

Orang itu de tanya, “Ko pu nama sapa?” Yakub bilang, “Sa Yakub.”

Yakub bilang, “Bapa, bilang bapa pu nama dulu ka?” Tapi orang itu de jawab, “Ko tanya sa pu nama untuk?” Habis itu, de kas berkat Yakub disitu.

Tuhan, sa ni paling tra pantas skali mo dapat Tuhan pu setia deng baik smua, sa yang budak saja ini. Waktu dulu sa mnyebrang kali Yordan, sa hanya ada tongkat spanggal ini saja untuk jalan. Tapi skarang, sa su bisa bagi smua yang sa punya ni jadi dua rombongan begini.

Itu yang, sampe skarang orang Israel dong tra makan binatang pu daging yang di bagian paha atas, karna orang itu de su pukul Yakub pu bagian paha atas, pas di de pu otot.

Habis itu Yakub de minta ke Allah begini, “Allah! Allah yang sa pu tete Abraham deng sa pu bapa Isak semba. TUHAN, Ko yang perna bilang ke sa begini, ‘Pulang suda. Kembali ke ko pu tana, tempat ko lahir, ke ko pu kluarga dorang. Nanti Sa bikin baik ke ko.’

Sa mohon Tuhan, tolong kas slamat sa dari sa pu kaka Esau ini, karna sa takut dia. Jang sampe de nanti datang bunu sa deng sa pu istri dong ini lapis deng sa pu anana juga.