Popular Bible Verses from Luka 6

Share

Goleni, na mweye mogwelelwa; ningo imemile bwadu, idomeligwe isigiswe na kwitika, wanhu womwinghani hamhambaga yenu; kilumbo ningo ija yumuwalingila wayenu, iyo yonda mulingilwe na mweye.”

Munhu yanogile kalavaga ganogile mbikilo jake dinogile dili mmoyo mmwake, bali munhu yehile kalavaga gehile mbikilo jake dihile; kilumbo mulomo ulongaga gamemile mmoyo mmwake.

Komu mweye wanogeleni waja wamwihileni na kuwatendela ganogile; kopesheni wanhu, sikumbete kubwezelwa kinhu; aho kitumetume chenu chokuwa kikulu, na mweye mogalamka wanage yuja Yali Uchana nghani, kilumbo na Heyo kowagwelela waja wene nghimwa na ubananzi.

Avo mgalamke wene bazi kamba Tata wenu viyali mwene bazi!

Sikumtaguse na mweye honda mtaguswe; kabili sikumdununze munhu, na mweye honda mdununzwe; lekeseni, na mweye molekeswa.

Komu mweye mnhegeleze niye, nomulagizani, Wanogeleni wandumu zenu, watendeleni ganogile waja wamwihileni! Wamotezeni waja womdumilizani, watambikileni waja womgazani!

Gose gomulonda mtendelwe na wanhu, na mweye mwanduse kuwatendela kamba vivo.

Kamba munhu yahakutowa kanza dimonga, muhindusile na daikabili, yaditowe na dijo; na heyo yakubokile nghanzu yako, sikuumgomese yasole na idigwanda. Yokupula mwinghe, na yakubokile mali gako, sikuumuwile kabili yakubwezele.

Haduhu biki dinogile dilelaga mujo wihile, kabili haduhu biki dihile dilelaga mujo unogile.

Biki jojose ditangikaga mmujo wake wenyego; kilumbo hawabawa nghuyu mmilengeja, hebu kulundiza mitongoni mmizomola.