Popular Bible Verses from Luka 17

Share

Yomana kumulongela, “Inuka wigendelele; ngogelo yako iyo ikuhonyile.”

Na kamba yahakutozela miyanza Saba kwa siku dimwe, yahalonga, Nhoza, miyanza saba siku dija, na gweye galekese!

Avija vuwakalile wochola, wamana kuhona. Imonga miyao viyawene kamba kahona, kabweleganya kuchugu yomtuniza Mulungu kwa dizwi kulu. Yomana kugwa kingubanguba ha migulu yake yomtogola; na heyo kakala Msamaria.

Itunzeni viyema ndugu yahakutozela, mzume; na heyo yahayona imbuli kamba kaitoza, che, na gweye galeke baho.

Yesu kedika yolonga, “Si waja wose longo dimwe wahonile? waja kenda wali kwahi?

Mndewa kawalongela, “Kamba muwile na ngogelo igambile nzele ya mbeyu ya mvule, muhaulongele mkuyu uno, Winyozole ukaihande mwibahali! na uno uhatogole.

Munhu yoyose yahalonda kuihonya mwenyecho, senhambo kokwangamila; na ayo yonda yaigwasike mwenyecho giladi, hiyo kokihonya.

Kawalongela wanahina wake, “Vinghwaso havilekaga kulawilila, komu janga hijo jake munhu hiyo, kamba diheza kwa mzoko wake! Maza vihawile goya, munhu kamba hiyo, dibwe da kusagila wahadikakaliza mungosi wake, ilawa baho wakamwase mbahali, sembuse kumkoseza yumwe wa wadodo kamba wano.

Kamba vija viikalile milongo ya Noa, vivo vonda viwe mkikomo chake Mwana wa Munhu. Wakala woja na kungʼwa, wakala wosola na kusoligwa hata siku dija Noa viyengile muna imeli; gubika ja mazi dingila, dimana kuwagubikiza wose.