Popular Bible Verses from Luka 12

Share

Na mweye kaleni meso, kwa mzoko Mwana wa munhu kokwiza kipigiti chonda mleke kugelegeza!”

Komu uzahileni tanhu undewa wa Mulungu na ago gose momemezelwa.

Kawalongela, “Loleni mwitunze na choyo, kwa mzoko ugima wa munhu haulawa mvinhu vyake vihawa bwando, viyali navyo.”

Kilumbo bikilo jenu hadili, baho honda ikale na miyoyo yenu.

Avo kumwenu yalihi yadahile kwigaza giladi yongezele milongo yake ivike kamba mhima?

Kawalongela wanahina wake, “Avo nomulongelani, sikumgadukile upile wenu mulonge, Toja choni, hebu sikumgadukile nghuli zenu mulonge, Tovala choni?

Kileka na azo mvili zenu za mpala zipetigwa zose; avo sukumdumbe, mweye mbanza videge bwando.

Sukumdumbe mweye kidonzi kidodo, kilumbo Tata wenu kanogelwa kumwinghani uja Undewa.

Gelegezeni mabondwa, hawahandaga hebu hawahunaga; wabule kano hebu hanhu ha kwikila, komu Mulungu kowegusa na hewo; che, mweye hambanzile ndege hakulu?

Avo mweye sukumuuze, Tuje choni hebu tungʼwe choni, wala sukumwidundule!

Avo Mulungu yahaivaza hivo milolo ya muhulo, ikalaga lelo dino, mitondo yokwaswa hamoto, chei, habanza nghani kumvazani mweye wene nhamanilo ndodo?

Haduhu kinhu kifisigwe kwiza kileke koneka, hebu kiifisile kileke kutangika.