Popular Bible Verses from Yohana 14

Share

Tindiwalo nomulekelani, na tindiwalo jangu nowengha; viniwengha niye, si vivo kamba ulumwengu vuulava; sukumdungwedungwe mmiyoyo mmwenu wala sukumdumbe!

Yesu kawalongela, “Niye nene nzila na ihoko na upile; munhu heza kwa Tata komu kilumbo changu.

Sukumdungwedungwe mmoyo mmwenu; momtogola Mulungu, nhogoleni na niye!

Bali Hiyo Yonda Yamtazeni iyo Loho Yangʼalile, na heyo Tata komgala kwa twaga jangu, komulangukizani gose na kuwakumbusa gose ganiwalongeleni.

Ayo yabokele mbila zangu na kuzigoga, hiyo yuyo yanogele; na ayo yanogele konogelwa na Tata wangu, na niye nomnogela na kwilaviliza kumwake.”

Na niye nompula Tata, na Heyo kowenghani Wa kuwatazani, yakale namwe hata digunge. Yuyo Loho wa ikweli; ulumwengu haudaha kumbokela, kilumbo haumona wala haumtangiie, bali mweye momtanga, kwa mzoko kokala kumwenu, kabili kokuwa mgati mmwenu.

Mweye muhapula jojose kwa twaga jangu, ajo noditenda, giladi Tata yatunizwe mgati mwa Imwana. Muhamhula mbuli yoyose kwa twaga jangu, noitenda.

Muhanogela, mozigoga mbila zangu.

Mngʼanda ya Tata wangu muna ukazi bwando; kamba si vivo, nihamulongeleni, kilumbo nogenda kuwatunduwilila ihanhu mkakale.

Na nihachola kutunduwila ihanhu, nobwela kabili nimgomeleni kumwangu, giladi hanili niye, na mweye muwe baho.

Tomaso kamulongela, “Mndewa, tweye hatukutangile kuuchola, avo toitangaze inzila?”