Popular Bible Verses from MARCOS 2

Share

Ca tu yu'ubaj Jesús lela', tu ya'alaj ti'ob: Le máaxo'ob toj u yóolo'ob yéetel ma'alob yanilo'obe' ma' kabéet aj dzaac ti'obi', ba'ale' kabéet ti' le máaxo'ob koja'ano'obo'. Tene' ma' j taalen in t'aan le máaxo'ob utzo'obo', ba'ale' le máaxo'ob j kebano'obo'.

Le ca tu yilaj Jesús u yocsaj óolalo'obe', tu ya'alaj ti' le koja'ano': In paal sa'atsa'an a kebano'ob.

Jesús tu ya'alaj xan ti'ob: U kiinil sábado j beeta'ab u ti'al máac. Ma' máac j beeta'ab u ti'al u kiinil sábadoi'.

Ba'ale' tumen ma' j páatji' u kuchlo'ob tac tu'ux yaan Jesús tu yo'olal le ya'abcach máaco'obo', tu beetajo'ob jun p'éel jool tu yóokol le naj tu'ux yaan leti'o', ca tu yéemso'ob ti' le joolo' le koja'an chicunsa'an ti' jun p'éel kóochche'o'.

Le beetic túune', bin in ca'aj in we'es te'ex u Paal Máaque' yaan u páajtalil ti' u ti'al u sa'atsic kebano'ob way lu'ume'. Ca túun tu ya'alaj ti' le máac túuch' u wíinclilo': Ti' teech quin wa'alic, líiken, ch'a' a kóochche'il, xeen ta wotoch.

¿Ba'ax asab ma' talam u ya'ala'al ti' le koja'ano': sa'atsa'an a kebano'ob, wa u ya'ala'al ti': Líiken, ch'a a kóochche'il, xíimbalnen?

Tu séeblaquil líik le koja'ano', ca tu ch'a'aj u kóochche'ile', ca jóok ti' le cúuchilo' tu táan tuláacal le máaco'obo'. Le o'olale' láaj ja'ak u yóolo'ob, ca tu qui'iqui' t'anto'ob Ku, táan u ya'alico'ob: Mix jun téen c il jun p'éel ba'al beya'.