Popular Bible Verses from MARCOS 13

Share

Tuláacal yóokolcaab yaan u p'ectique'ex tin wo'olal, ba'ale' le máax ma' tu xu'ulul u yóol tac tu xuule' bíin to'ococ.

Le o'olale', p'il ichnene'ex, paacatnene'ex yéetel payalchi'inene'ex, tumen ma' wojele'ex ba'ax kiin quéen kuchuc u yoraili'.

Le quéen bisa'aque'ex kubbil ti' le jalacho'obo', ma' a sen tuclique'ex ba'ax bíin a wa'ale'ex. A'ale'ex le ba'ax cu dzáic te'ex Ku a wa'alique'ex ti' le jun súutuco'. Tumen ma' te'ex can t'aane'exi', ba'ale' Quili'ich Pixan cu bin t'aan.

Ca'an yéetel lu'ume' bíin máanaco'ob, ba'ale' in t'aano'obe' ma' bíin máanaqui'.

Ba'ale' u kiinil wa u yoraile' mix máac u yojel, mix u ángelilo'ob ca'an, mix u Paal Ku. Chéen le Taata u yojelo'.

Ba'ale' le quéen a wu'uye'ex u tzicbalil ba'atelo'ob yéetel p'ec óolal ba'atelo'obe', ma' a sajactale'ex, tumen bey unaj u yúuchul. Ba'ale' ma' leti' u xuuli'.

Te'exe' ma' a wenele'ex, tumen ma' a wojele'ex ba'ax kiin quéen kuchuc u yuumil naji', wa quéen áakabchajac, wa chúumuc áakab, wa u ti'al u kaaybal j t'eel, wa u ti'al u sáastal. Ma' xan ca séeb talaqui' ca u yil táan a wenele'ex. Le ba'ax quin wa'alic ti' te'exa', ti' tuláacal quin wa'alic: Ma' a wenele'ex.

Tumen jun p'éel caaje' yaan u ba'atel yéetel u láak caaj, bey xan jun p'éel ajawile' yaan u ba'atel yéetel u láak ajawil. Ya'ab tu'ux yaan u quíilbal lu'um, yaan xan u yantal wi'ijilo'ob. yéetel x wo'oquino'ob. Le ba'alo'oba' jach chéen u cáajbal ti' le ba'alo'ob cu bin j mukyajtbilo'.

Tumen táanil kabéet ca tze'ecta'ac le ma'alob péectzila' ti' tuláacal caajo'ob.

Tumen ya'ab máax bíin taalac tin kaaba' táan u ya'alic: Teen le Cristoo', ya'ab máax cu bin u tuuso'ob.

Ba'ale' canantaba'ex, tumen yaan a ku'ubule'ex ti' le jalacho'obo', yaan xan a ja'adzale'ex te j sinagogaobo'. Te'exe' yaan a bine'ex tu táan méektáano'ob yéetel tu táan ajawo'ob tin wo'olal. Beyo' cu páajtal a t'aane'ex tin wo'olal tu táano'ob.

Tumen yaan u taal j tuus wíinico'ob yaan u beticuba'ob beyo'ob Cristoe' yéetel tuus wíinico'ob cu t'aano'ob tu yo'olal Ku. Yaan xan u beetico'ob chíiculalo'ob yéetel jakbe'en ba'alo'ob u ti'al u tuusico'ob, wa ca páataque', tac le yéeya'ano'ob tumen Ku.

Ba'ale' ti' le kiino'obo', cu dzo'ocol u máan u kiinilo'ob mukyaje', le kiino' yaan u éekjoch'e'ental, le lunao' ma' túun u dzáa u sáasilil; le eeko'obo' yaan u lúubulo'ob ti' le ca'ano', yéetel tac le páajtalilo'ob yaan te ca'analo' yaan u quiquilanquilo'ob.