Popular Bible Verses from JUAN 3

Share

Tumen Kue' tu sen yaabiltaj le yóokolcaaba, ca tu dzaj u jun túulili' a Paal, u ti'al tuláacal le máax cu yocsic u yóol ti'e' ma' u sa'atal, ba'ale' ca yanac cuxtal mina'an u xuul ti'.

Kue' tu túuxtaj u Paal yóokolcaab ma' u ti'al u xot kinti', ba'ale' u ti'al u toque.

Jesuse' tu ya'alaj ti': Tu jaajil, quin wa'alic ti' teche', le máax ma' tu síijil tu ca'a téene' ma' tu páajtal u yilic u ajawil Ku.

Le máax cu yocsic u yóol ti' u Paal Kue', ma' xot kinta'ani', ba'ale' le máax ma' tu yocsaj óoltique', dzo'oc u xot kinta'al, tumen ma' tu yocsaj óoltaj u jun túulili' u Paal Kui'.

Le máaxo'ob ma' tu yocsaj óolalo'obe' dzo'oc u xot kinta'alo'ob, tumen le ca j taal le sáasil yóokolcaabo', asab utzchaj tu t'aano'ob le éekjoch'e'enilo' ti' le sáasilo', tumen táan u beetico'ob ba'al kaas.

Leti'e' yaan u nojochtal láaj kiin, ba'ale' tene' yaan in chichantal.

Tuláacal le máax cu beetic ba'al kaase' cu p'ectic le sáasilo', yéetel ma' tu náadzal ti' le sáasilo', u ti'al ma' u chíicpajal le ba'al kaas cu beetico'.

Le máax cu yocsic u yóol ti' le Paalo' yaan cuxtal mina'an u xuul ti'. Ba'ale' le máax ma' u káat u yocsaj óolt le Paalo', ma' bíin yanac cuxtal ti'i', ba'ale' bíin u kam u yaayaj jadz Ku.

Bey je'el bix Moisés tu líikesaj le can te x tocoy lu'umo', bey xan u Paal Máac yaan u líiksa'al

Le Taatao' u yaabiltmaj le Paalo', yéetel u dzaamaj tuláacal ba'al tu kab.