Popular Bible Verses from JUAN 19

Share

Jesuse' tu yukaj le su'udz vinoo', cu dzo'ocole' tu ya'alaj: Dzoca'an tuláacal. Ca tu chinaj u poole' ca j quíimi.

Cu dzo'ocol lela', tumen u yojel Jesús dzo'ocpaja'an tuláacale', u ti'al ca dzo'ocpajac le Quili'ich Dzíibo', tu ya'alaj: Ukajen.

Jesuse', le ca tu yilaj u maama yéetel le aj canbal jach u yaabiltmaj wa'alacbal te'elo', tu ya'alaj ti' u maama: Co'olel, je'el a paalo'. Cu dzo'ocole' ca tu ya'alaj ti' le aj canbalo': Je'el a maamao'. Le aj canbal túuno' tu kamaj tu yotoch.

Ba'ale' le ca tu nadzuba'ob ti' Jesuse', tu yilajo'ob dzo'oc u quíimil, le o'olale' ma' tu cachajo'ob u yooqui'. Ba'ale' jun túul ti' le soldado'obo' tu lomaj u ch'ala'atel Jesús yéetel jun p'éel lóomte', ca jóok ki'ik yéetel ja'.

Tumen le ba'alo'oba' j úucho'ob u ti'al ca dzo'ocpajac le Quili'ich Dzíib cu ya'alic: Ma' bíin ca'achac mix jun p'éel u baaqueli'. Yaan xan u láak Quili'ich Dzíib cu ya'alique': Yaan u pactico'ob máax tu lomajo'ob.

Jesuse' jóok túun táan u bisic u cruz u ti'al u binbal te j cúuchil cu kaaba'intic u Baaquel pool, ich hebreoe' u kaaba'e' Gólgota.

Le soldado'obo' tu jit'ajo'ob jun p'éel péet jo'ol yéetel ki'ix ca tu dzajo'ob tu pool Jesús, ca tu beeto'ob u búuquintic jun p'éel box chac nook.