Popular Bible Verses from Mateu 28

Share

Okone nyutshu, nyete wedja tshe ambeki, nyabatiza lu lukumbu la Papa ndu lʼOna ndu la Nyuma kʼOlolo. Nyuwaetshaki dia ntsha akambu tshe wamumunyutela. Nyulungi, dimi leko la nyu nshi tshe, edja ndu ekumelu kʼandja.

Jesu akayi le wo, akawatela ati: Wakambisha wulu tshe ndu lʼulungu ndu la kete.

Keli ondjelo akatela amantu ati: Tanyukaki woma; ne dia dimi mbeyaka ndi: Nyu nyambuyanga Jesu, lakawadiaki lu utamba a mpeketanya. Ndi kema lane, ne dia ndi ambulo uku akandati. Nyuyi, nyuyendi dihuli diakandetami.

Ku Jesu akawatela ati: Tanyukaki woma. Nyutshu, nyututeli analingu, watshu la Ngalili; vo wayutomena leko.

Lamʼakawasangana la dikumanyi, vo wakasangi lulimi, wakasha alimbi falanga efula. Vo wakawatela vati: Kanyuteli antu nyati: Ambeki andi wakayi lʼutshu, wakayosa udu andi lamʼakisu lu djo. Naka dikambu ne diayukuma le umbuledi, shu tayuwetawuya, tayunyamela uma lʼunungu. Okone alimbi wakose falanga, wakatshi uku akawawatela. Dikambu so diakadiangana lʼatei wʼasi Juda edja ndu elo.