Popular Bible Verses from Joani 15

Share

Dimi leko utundu wʼokodi, nyu nyeko tahi. One layuyala lʼutema ami, la dimi lʼutema andi, ndi ayoto elua efula. Lamʼayunyuyala nyaha la mi, nyu hanyeyi ntsha nduku dikambu.

Nyuyali lʼutema ami, dimi ndjali lʼetema anyu. Uku aheyi lutahi nto elua lame, tshikima lo mbeli lʼokodi, osoku ndu nyu hanyeyi nto elua, tshikima nyu mbeli lʼutema ami.

Naka nyu nyambuyala lʼutema ami, la aui ami wambuyala lʼetema anyu, nyolombe tshe kalanganyu, ku wayunyutshelato.

Nyu konsonolami, keli dimi kambunyosonola, lambunyutuma dia nyu nto elua, la elua anyu wayali pundju. Okone Papa ayunyusha kene tshe kayunyolomba lu lukumbu lami.

Nduku untu la ngandji kuleki kene ka mvwela engenyi andi.

Lutahi lami tshe lahato elua, ndi ayulunya. Lutahi tshe latotokaka elua, ndi ayulolongosola dia lo ndeka nto elua efula.

One eli olembe ami: nyukani ngandji, uku akamanyuki ngandji.

Uma lu dikambu so, Papa ayutumbwama, dia nyu nto elua efula. Okone nyu nyayuyala ambeki ami.

Dimi utundu wʼokodi mete. Papa eli ukambi.

Naka untu hayala lʼutema ami, ndi ayukadjema uku lutahi, ayolengela. Antu wayuyitshumanya, wayuyidja lu dja, ku yo yayutshumbama.

Dimi lambunyutela akambu aso, ne dia ongenongeno ami ayali lʼetema anyu, la dia ongenongeno anyu aluli.

Naka nyu nyambukitanyia elembe ami, nyu nyayuyala lu ngandji kami, uku akamakitanyia elembe a Papa, wemi lu ngandji kandi.

Dimi lambunyutela akambu aso, dia nyu mbukana ngandji.

Utunyuyala wa la kete, tshiki wa la kete wutulanga asikawo. Ne dia nyu nyaha wa kete, keli dimi lakanyosonola uma le wa la kete, diako mbanyuhetsha wa la kete.