Popular Bible Verses from Etatelu 39

Share

Latuyalaka aki la Josefu, ku diese diakatuyelaka. Ndi akakambaka ulimu lu luudu la khumendi, usi Edjibitu.

Usi Edjibitu ako akakitsha diango diandi tshe lʼanya wa Josefu. Ndi ndame akanya tukanyi tandi lu diango diandi tshe, tshikima ma diakandalekaka. Josefu aki la diema diʼololo la dimba dia dimena.

Ulami a lukanu akadji Josefu kapita kʼasi lukanu tshe. Nduku dikambu diakatshamaka tshikima uma le ndi.

Khumi a Josefu akawundi, akawundji lu lukanu, lene akawadihaka asi lukanu wa khumʼekanga. Ndi akatshikala loko. Keli Latuyalaka aki la Josefu, akawukaka ketshi, akuhumuya lukulu lʼolo le ulami a lukanu.

Lʼokongo diku wadi a khumi a Josefu akakomiya Josefu; akaweti ati: Yaka, yetami la mi. Keli ndi akaseke; akatela wadi a khumendi ati: We henyi, khumemi heyi efula ka diango diandi dieli lu luudu. Ndi akakimo diango tshe lu anya ami. Aha ndame kundeki wuki lu luudu lone? Ndi hanshimbi nduku engo, tshikima we, ne dia we eko wadendi. Ukundi ukukimi ntsha munga kene ka wuki, la ntshela Unyashungu kolo?

Ku lushi lomotshi ndi akoto lu luudu dia ntsha ulimu andi. Lʼetena keso nduku pami kekina kaki loko. Ku wadi a khumendi akukimela lu dihondo, ata ati: Yaka tetami! Keli Josefu akatshiki dihondo lu anya andi, akalawo lʼandja.