Popular Bible Verses from Etumbelu 20

Share

Dimi keli Latuyalaka, Unyashungu aye, lakakutundja uma lu kete ya Edjibitu, uma lu luudu la lohombo. Tuyalaki la ditemolatemola la ntundu kami.

Tuyaselelaki nduku ekishi, kuyanga efanelu kʼengo kemotshi keli lʼulungu, kana keli la kete, kana keli lʼashi. Tudikhuselaki adui kuyanga ditemola, ne dia dimi Latuyalaka, Unyashungu aye, leko Unyashungu wa kandjema, latosomboyaka kolo ka washi le anʼawo, edja ndu lolonga la satu ndu la nei, ya waku watumpetshaka.

Olemiaki sho la nyo, dia nshi yaye, yambukusha Latuyalaka, Unyashungu aye, ndjala efula la kete.

Uhoki lushi la mumuya, ulukili.

Tudimulaki lukumbu la Latuyalaka, Unyashungu aye, udimuladimula, ne dia Latuyalaka huyindja one latudimulaka lukumbu landi udimuladimula.

Utshaki elimu nshi shamalu, kutshaki ulimu aye tshe. Keli lushi lʼesambeli, eli lushi la mumuya ka Latuyalaka, Unyashungu aye. Tutshaki ulimu lushi lako, we, onʼaye la pami kana la umuntu, ukambi aye a pami kana a umuntu, elungalunga kaye, kuyanga ongendangenda wudjashi lu luudu laye.

Tokomiyaki luudu la unyaye. Tokomiyaki wadi a unyaye, kuyanga usi ulimu andi la pami kana la umuntu, kuyanga ngombe kandi kana punda kandi, kuyanga engo kekina ka unyaye.

Tumamanyiaki unyaye unungu.

Tunanaki luseka.

Tudiakaki.

Tuvaki.