Popular Bible Verses from Marko 2

Share

Yesu aho wigwa iyi, ubawila giki, A bapanga bati na nimo na naguji, aliyo abasatile; natizile kubitana batungilija, aliyo ba shibi bashike mu koya.

Aho Yesu ubona kuzunya kwabo ungʼwila nema giki, Ngʼwana wane, shibi shako shalekejiwa.

Ubawila giki, Sabato yaabejiwa kulwa munhu, iti munhu kulwa Sabato.

Aho bali bulemelwa kungʼwegela kulwa ibita, bigula higulya ya numba umo ali; aho bumala kupigula, bicha bulili ubo abulalilile u nema.

Aliyo mumane giki, Ngʼwana wa munhu ali na budula mu si kulekeja shibi, (ungʼwila nema giki,) Nakuwila giki, Bukaga, ubuche bulili wako, uje ku kaya yako.

Changu kili he, kungʼwila u nema giki, Shibi shako shalekejiwa; nulu kuhaya giki, Bukaga, ubuche bulili wako, ushiminze?

Nanghwe ubuka haho na haho, ubucha bulili, winga mu miso gabo bose; nose bukumya bose, bunkuja Mulungu, buhaya giki, Tutinabona giko na kamo.