Popular Bible Verses from Matayo 27

Share

Giti saa kenda Yesu uhamuka na ilaka itale, uhaya giki, Eli, Eli, lama sabakthani? kushomelejiwa kwaho kuli giki, Mulungu wane, Mulungu wane, wanilekanija nguno ki?

Kuhayumanila, iselema lya mu hekalu lyutanduka hagati kufuma higulya kushisha ha si; na si yuzuguma; na matale gutanduka; Na mashigila giguka; na mibimba mingi ya bela abali bashutula yujuchiwa

Aliyo Yesu aho uhamuka hangi na ilaka itale, winha ko moyo gwakwe.

Ntale wa bashilikale igana na biye hamo nanghwe balinanghana Yesu, aho bubona nyahinga na mihayo iyali yitwa, bogoha no, buhaya giki, Nghana Uyo wali Ngʼwana wa Mulungu.

Kufuma saa itandatu kushisha saa kenda chali chubiza ho giiti mu si yose.

Pilato ubawila giki, Aliyo lulu, nalangʼwitile ki Yesu Uyo witanwa Kristo? Bose bungʼwila giki, Ni akomagwe. U gavana uhaya giki, Kulwa ki? witaga bubi ki? Aliyo boi bongeja kuhamuka, buhaya giki, Ni akomagwe.