Popular Bible Verses from Luka 23

Share

Yesu uhaya giki, Baba, ubalekeje; iki batamanile iyo bakwitaga. Nabo bugabanha shizwalo shakwe bushesa.

Yesu ungʼwila giki, Nghana nakuwila giki, Lelo ukubiza hamo na Nene mu ngunda gwa Mulungu.

Huna ungʼwila Yesu giki, Seba, nizukagwe aho uliza mu butemi wako.

Huna Yesu ulila na ilaka itale, uhaya giki, Baba, nagutuula moyo gwane mu makono gako. Aho umala kuhaya yeniyi, wiyinha ko bupanga.

Aho bushika kwipande ilikitanagwa lupanga, bunkomela kwene, na bakenaguji abo, umo ku nkono gwa bulyo nu ungi ku nkono gwa lumoso.

Hunaho yushika giti saa itandatu, yubiza giiti ku si yose kushisha saa kenda. Limi lyali lilabula; na iselema lya mu hekalu ly utanduka hagati.

Aho ntale wa bashilikale igana ubona iyo yali yubiza ho, unkuja Mulungu, uhaya giki, Nghana munhu Ngʼwenuyo walali ntungilija.