Popular Bible Verses from Marko 5

Share

Yezo apa hɛ̃ lo ya: “Nyi mbi, yengɔ mɛ mɔ ye na lo tɛ mbi la asara mɔ. Wa diri nzɔ̃ni, tɛrɛ mɔ aha we.”

Mbanga wali kɔi ndo nga so ndo ko, lo ndo na nga ti mɛnɛ, ko ntɛne ni ndosa ndo lo. Ko lo la ndo na nga ti mɛnɛ ni tɛrɛ lo buru sui kɔi ndoni sɛ. Lo hũ ndo pɛnɔ sĩ so fɔnɔngɔ ka tɛ amɔnganga ndɛ̃ ndɛ̃ ndɛ̃, ko lo gbɛ̃ ndo faranga tɛ lo zu na lo ni. Ko ta mangɔ nzɔ̃ni da ma. Nga ni ndomai bo maingɔ na tɛrɛ lo.

Bo na ngoi ni ko, mɛnɛ tɛrɛ lo afa, ko lo ma tɛrɛ lo alia wee!

Yezo agbɔ̃ ti nyingambi ni, anɛ hɛ̃ lo ya: “Talita kumɛ.” Alengbi ya: “Nyi wali, mbi nɛ hɛ̃ mɔ ya, mɔ lo ndozu.”

Kanda na ngoi ko Yezo ade na tɛnɛngɔ so ko, azi mɛ ato la na kwa, alo ka da tɛ gbia Yairo, aga apa hɛ̃ Yairo ya: “Nyi mɔ akpi we. Zia giangɔ bɛ wa hangɔ lo tɛ Nzapa!” Ko ta Yezo akpã bɛ lo na ndo tɛnɛ tɛ la ma. La lo nɛ hɛ̃ Yairo ya: “Ta mbɛtɔ agbɔ̃ mɔ ma, ye bo lo tɛ mbi.”

(Lo tɛnɛ so, ta sanga ma, Yezo ahɛ̃ ndo nyɔ hɛ̃ lo ya, siɔ tɔrɔ alo ka ya tɛrɛ lo asi.) Ko Yezo ahũnda kɔli ko ya: “Ili mɔ na?” Lo gbinya hɛ̃ lo ya: “Ili mbi la ‘Ngbunguma’, na lo mɛ ya, e ma wo ma.”