Popular Bible Verses from Matie 27

Share

Ĩ ti na saa ota ko, Yezo adɛ kɔngɔ kpengbani ya: “Eli, Eli, lɛma sabakatani?” Alengbi ya: “Nzapa tɛ mbi, Nzapa tɛ mbi, mɔ dɔ mbi mɔ zia ya nɛ?”

Bo na ngoi ni ko la ma bɔngɔ lau mɛ ndo amu afa na ya kota da Nzapa, ato ka ndozu asungbi kpoa, azu ka tise. Sese ayingi kpu kpu kpu, akokɛnɛ tɛ́nɛ asungbi, nyɔ du sɛndɛ azizi, la azi tɛ Nzapa mɛ ndo akpili aso na pɛ kwá.

Yezo ati adɛ kɔngɔ kpengbani, la lo kpi.

Mbanga wa Roma mɛ gbia tɛ aturugu, ana aturugu ndo so ndo ko so ndobata Yezo. Ala ĩ hũ se mɛ sese ayingi na ni, nga na aye zu mɛ asi ko, mbɛtɔ agbɔ̃ la siɔni, la ala pa ya: “Lo ndo Nyi Nzapa biani!”

Ĩ ti na bɛ kɔmbitɛ ko, mbingo avũ kpi kpi kpi, amu lɛ sese zu. Mbingo ni aninga ngbĩi ati na saa ota ti pɛ bɛ kɔmbitɛ.

Pilato ahũnda la ya: “Wa ye mɛ ĩ ye ya, mbi li na Yezo mɛ andoili lo ya Kristo nɛ?” Ala zu agbinya hɛ̃ lo ya: “Agɔngɔ lo ndo krusi!” Pilato ahũnda la ya: “Ko siɔ ye mɛ lo li nɛ?” Ala dɛrɛ kɔngɔ kpengbani ya: “Agɔngɔ lo ndo krusi!”