Popular Bible Verses from Luka 22

Share

“Baba, se alengbi ko, mɔ hã mbi na ya pɛnɔ olo mɛ mbi na hũngɔ, mɔ zi. Wa ta mɔ li nga ma se mɛ bɛ mbi aye ma, kanda li nga ma se mɛ bɛ mɔ aye.” [

Ko mbi sambela na lo tɛ mɔ ya, ta mɔ dɔ lo yengɔ lo tɛ Nzapa mɔ zia ma. Wa na ngoi ko la mɔ diri ge tɛ mbi ko, sa nguru bɛ afɔ̃ mɔ, wadila ala kpengba.”

So pɛni, lo mu mapa, lo ĩ hɛ̃ sia kɔli hɛ̃ Nzapa wɛ ko, lo kongbi ya ni, lo kangbi na ava lo, lo pa hɛ̃ la ya: “Mapa olo ĩ tɛ ko, adu tɛrɛ mbi [mɛ mbi ka so ĩ. Ale ĩ li so, so dangɔ bɛ ĩ na mbi.”

Ala ĩ tɛ ni wɛ ko, lo mu nga kangu mɛ vinɔ da, lo ĩ hɛ̃ sia kɔli hɛ̃ Nzapa wɛ ko, lo hɛ̃ ni hɛ̃ ava lo, lo pa hɛ̃ la ya: “Kangu ti vinɔ olo ndofa fana ngbanga mɛ Nzapa na azi agbe na lege ti mɛnɛ tɛrɛ mbi.]

Yezo ama ndo vundu sĩ, ko lo ti sambela na nguru ti tɛrɛ lo zu. So asi tɛrɛ lo, ko so ni atɔ̃nɔ tise nga ma mɛnɛ.]

Ko na popo tɛ ĩ ko, ta seni la ma. So popo tɛ ĩ, zo ko la aɔ afɔ̃ lo zu ko, ale lo du nga ma wa ndangbani, ko ale zo ko ndohɛ̃ nyɔ hɛ̃ afɔ̃ lo adu nga ma zo mɛ ndoli kwa hɛ̃ la.

Yezo agbinya hɛ̃ lo ya: “Petro, mbi pa hɛ̃ mɔ ya, na bi olo, uzu ti kɔndɔ tongɔ mbela ko, mɔ na bɛrɛngɔ fani ta ya, ta mɔ hĩnga mbi ma.”