Popular Bible Verses from Yoanɛ 21

Share

Ala ĩ tɛ ye we ko, Yezo ahũnda Simɔ Petro ya: “Simɔ nyi Yoanɛ, mɔ ye mbi aɔ yengɔ mɛ afɔ̃ mɔ aye na mbi?” Simɔ agbinya hɛ̃ lo ya: “Ĩi ma, Gbia, mɔ hĩnga ya, mbi ye mɔ.” Yezo apa hɛ̃ lo ya: “Bata azi tɛ mbi nzɔ̃ni, nga ma se ko wa batangɔ angasã ngbaga ndobata na angasã ngbaga tɛ lo.” Yezo ati hũnda lo ti fani sɛ ya: “Simɔ nyi Yoanɛ, mɔ ye mbi?” Simɔ agbinya hɛ̃ lo ya: “Ĩi ma Gbia, mɔ hĩnga ya mbi ye mɔ.” Yezo ati pa hɛ̃ lo ya: “Bata azi tɛ mbi nzɔ̃ni.” So pɛni, Yezo ahũnda lo ti fani ta ya: “Simɔ nyi Yoanɛ, mɔ ye mbi?” Petro ĩ hũ ya, Yezo ahũnda ni ti fani ta ya: “Mɔ ye mbi?” ko, vundu agbɔ̃ lo, ko lo gbinya hɛ̃ lo ya: “Gbia, mɔ hĩnga ye zu, mɔ hĩnga ya mbi ye mɔ!” Yezo apa hɛ̃ lo ya: “Bata azi tɛ mbi nzɔ̃ni!

Mbi pa hɛ̃ mɔ ti beta tɛnɛ ya, ngoi mɛ ndo mɔ dɛ nyi kɔli ko, mɔ nvɛni ndo la mɔ ndogbe gba tɛ mɔ na gu ya mɔ, ko mɔ ndogwe ndo na ndo mɛ mɔ ye gwengɔ da. Kanda ngoi mɛ gbanda mɔ ti bange ko, mɔ ya gbanda ti mɔ ndozu, ko zo mɛ ndɛ̃ agbe gbanda gba tɛ mɔ na gu ya mɔ, ko lo mu mɔ, lo gwe na mɔ na ndo mɛ ta mɔ ye gwengɔ da ma.”

Yezo apa hɛ̃ la ya: “Ĩ sa gbanda ni na ndo kɔti, wadila ĩ gbɔ̃ susu.” Ala ĩ sa gbanda ko, asusu asĩ ya ni mɛkɛ̃, ko ala ha giɔngɔ gbanda ni ka ya ngu singɔ na ni gba.

Simɔ Petro apa hɛ̃ la ya: “Mbi nɔ so sangɔ gbanda.” La ala pa hɛ̃ lo ya: “E na mɔ e nɔ nga.” La ala nɔ ako ya ngɔ, aɔ. Ala sa gbanda na bi ni ko ngbĩi, ko ta ala gbɔ̃ susu be kɔi ma.