Popular Bible Verses from Yoanɛ 19

Share

Ngoi mɛ Yezo ĩ nyɔ kpekpe kana ni wɛ ko, lo pa ya: “Kwa zu awɛ!” So pɛni, lo wo na li lo, lo kpi.

So pɛni, Yezo ahĩnga ya, ni kɔ nda kwa tɛ ni na olo zu wɛ, ko so lingɔ ya tɛnɛ mɛ asu ka ya Buku tɛ Nzapa ati na seni ko, lo pa ya: “Gwɛ̃ ngu agbɔ̃ mbi.”

Yezo ahũ ta lo, ahũ nga va lo ti kpɔ̃ bɛ lo so tɔ̃nda ta lo. La Yezo apa hɛ̃ ta lo ya: “Zo wali, ba nyi mɔ la.” Lo pa nga hɛ̃ va lo ko ya: “Ba ta mɔ la.” Ko ato bo na ngoi ko la va Yezo ni ko amu Maria, agwe na ni ka tɛ lo.

Ala ĩ si ndo Yezo ko, ala tã lo kpi wɛ, nda mɛ ta ala kara gɛrɛ lo ma la. Ko mbanga turugu kɔi amu to tɛ lo, akpɔ na katɛ Yezo, ko mɛnɛ na ngu asi bo na ngoi ni ko.

Ta sanga ma, ye ni ko asi ya, tɛnɛ mɛ asu ka ya Buku tɛ Nzapa ati na seni. Tɛnɛ ni lo mɛ: “Ta ako gbanda bio tɛrɛ lo kɔi ma.” Mbanga tɛnɛ mɛ asu ka ya Buku tɛ Nzapa lo mɛ: “Ala ya gbanda lɛ la, aba zo mɛ ala kpɔ katɛ lo.”

Yezo nvɛni la ayɔ krusi tɛ lo so ya kɔdɔrɔ asi na ni, agwe na ni ka ndo mɛ ili ni la “Ndo ti kpokpo li zo.” (Andoili ndo ni ko na yanga tɛ Ayuda ya “Gɔlgɔta.”)

Aturugu ango bilo abi li Yezo nga ma se tɛ gbia, kanda tɛ Yezo ko, bilo ni adu ndo bilo ti kĩ. Ala yu nga lo na bengba bɔngɔ.