Popular Bible Verses from Génesis 41

Share

Tsaynö niptinnam José nirqan: <<Noqaqa manam kikilläpitatsu tantiyä suëñukuna imapaq kanqanta, sinöqa Dios Yaya tantiyatsimaptinraqmi imapaq sueñunqaykitapis willashayki>>.

Faraónnam nirqan: <<¿Mayllachöqa tarishwantsuraq kay jövinta Dios Yaya yanapaptin alli yarpayyuq kanqantanö?>>

Tsaypitam Joséta nirqan: <<Dios Yayam tantiyatsishushkanki sueñunqäkuna imapaq kanqanta. Manam pipis kantsu qampita mas tantiyaq y yachayyuq runaqa. Tsaymi kananpita llapan palaciüpis podernikichö kanqa. Kay nacionchö mandanqaykitam llapan runakuna cäsuyäshunki. Noqallam rey kaynïwan qampita mas mandakuyyuq kashaq.

Qepa kaq tsurin yuriskiptinnam José nirqan: <<Alläpa ñakanqä nacionchö kaykaptïpis Dios Yaya llakipämarmi wamrakuna kananpaq permïtishqa>>. Tsaymi qepa kaq tsurinpa shutin churarqan Efraínta.

Mayor kaq tsurin yuriptinmi José nirqan: <<Ayllükunapaq y sufrinqäkunata mana yarparänäpaqmi Dios Yaya yanapamashqa>>. Tsaymi mayor kaq tsurinpa shutin churarqan Manasésta.