Popular Bible Verses from KUPUTUKA 8

Share

Yehova evwile livumba lyalupe-ngopengo lize, kaha Yehova alya­mbile mumucima wenyi ngwenyi, Kangwexi kukangula ceka mavu hali vatuko, mwomwo kujina camumicima yavatu cinapu cacipi kufumisa kuunyike wavo. Kaha kangwexi kukaveta ceka vaka-kuyoya vosena nge omu ngunalingi lyehiko. Ximbu mavu kuwacili, namyaka yakukuva namyaka yakwaha, nacixika naliyena, namyaka yavula na­myaka yacixika, namusana naufuku, kavyexi kukakumako.

Nowa amutungilile Yehova lijiko lyakulumbila, kaha kuli tunyama vosena vatoma nakuli tujila vosena vatoma akwacile vamwe vakulumbila mawana akulumba halize lijiko lya­kulumbila.

Jino Kalunga anukile Nowa na­tunyama vosena navimuna vo­sena vaze apwile navo muwato. Kalunga ahuhwixile peho helu lya­mavu, kaha meya ahohonyokele.

Uze katela akindulukile kuli ikiye halikumbi lyacingoloxi, kaha kumana, kumuvumbo wenyi apwile nalifo lyakuhela kumulive. Ngoco Nowa atacikijile ngwenyi, meya anahohonyoka lyehi hamavu.