Popular Bible Verses from KUPUTUKA 17

Share

Omu apwile Apalama namyaka makumi atanu naawana namyaka yitanu nayiwana, Yehova alisolwele kuli Apalama nakumwa­mba ngwenyi, Ami yami Kalunga ngukweci ngolo josena. Tambukanga kumeso ami, upwenga uwakulonga.

Kaha nawa, kavexi kukavuluka ceka lijina lyoveko ngwavo, Apala­ma, oloze lijina lyove nalipwanga yove Apalahama, mwomwo ngunakulingisa lyehi kupwa usevo yaliyongomena lyavaka-mafuci amavu­lu, xikaho.

Nanguzamisa luxiko lwami ngu­nalixiki nayove navaka-tanga yove navakakukava mukusemunwina cavo cosena lupwenga luxiko lwakwilila haya myaka yosena, ngupwenga nguKalunga kove, nguKalunga kavaka-tanga yove nawa navakaku­kava.

KahAmi, tala, ngunalixiki lyehi luxiko lwami nayove, kaha naukapwa usevo yaliyongomena lyavaka-mafuci amavulu.

Kalunga amwambile ngwenyi, Nduma, oloze pwevo lyove Sala mwakasema nove mwana walunga, kaha ukamuluka lijina lyenyi ngwo­ve, Isaka. Nangukazamisa luxiko lwami naikiye, lukapwenga luxiko lwahaya myaka yosena hali vaka-tanga yenyi navakamukava.

Lifuci lino unazuzumana, lifuci lyaKanane lyosena, nangukalihana kuli ove nakuli vaka-tanga yove navakakukava, likapwenga luheto lwavo lwahaya myaka yosena, kahAmi nangukapwanga nguKa­lunga kavo.

Jino Apalahama alimbilile cameso-hamavu, asehele, alyambile mumucima wenyi ngwenyi, Lunga ali namyaka likulukaji mwakasema mwana numba? Kaha Sala nawa, ou ali namyaka makumi atanu naawana, mwakasema mwana numba?

Kalunga ambile kuli Apalaha­ma ngwenyi, Pwevo lyove Salai nawa, kanda ukamuvuluka cekako ngwove, Salai, oloze lijina lyenyi lipwenga ikiye Sala.

Vamyenge mivumbo yenu, kaha nakapwanga katacikijilo kaluxiko ngunalixiki nayenu.

Oloze luxiko lwami nangukaluza-mixila kuli Isaka, ou navakasema kuli Sala hakakweji uno ngunatongola, hamwaka nawizaho.

Vana vali namakumbi atanu naatatu vakavajihane muli enu, ma­lunga vosena mukusemunwina cenu cosena, cipwe wakusemukila muzuvo yove, cipwe wakulanda najimbongo kuli muka-muyaci weka, ou wakuzeneka kupwa wakutanga yove. Nayou wakusemukila muzuvo yove, nayou wakulanda najimbongo jove, xina vavajihane. Kaha luxiko lwami nalupwanga kumijimba yenu, lupwenga luxiko lwahaya myaka yosena.