Popular Bible Verses from KULOVOKA 7

Share

Yehova ambile kuli Mose ngwe­nyi, Tala, ngunakulingisa ku­pwa nge Kalunga kuli Fwalo, kaha yayove Alone mwapwa kapolofweto kove.

Ami nangukaluhwisa mucima waFwalo, nanguvulisa vinjikizo vyami navilinga vyami vyakukomwesa mu­lifuci lyaEjipitu. Oloze Fwalo kexi kumivwililako. Kaha nangunangika livoko lyami haEjipitu, nangukalovola mayongomenami, vatu jami vana vaIsalele, mulifuci lyaEjipitu nakuzangamisa vaEjipitu nakuzangamisa cacinene.

VaEjipitu navakangutacikiza Ami yami Yehova, omu nangukolola livoko lyami haEjipitu, nakulovola vana vaIsalele muli vakivo.

Jino Fwalo nawa asanyikile vakamangana navaka-kupanda, kaha va­kivo nawa, vaka-vipupu vakuEjipitu, valingile mwomumwe nawa nakupanda cavo. Mwomwo mutu himutu ambilile mukombo wenyi, kaha yalumukile kupwa manoka. Oloze mukombo waAlone waminyine mikombo ya­vo.

Yehova nambe ngwenyi, Omu vene naungutacikijila Ami yami Ye­hova. Tala, nanguveta meya amukalwiji namukombo uli mulivoko lya­mi, kaha nawalumuka kupwa ma­nyinga.

Omu mwahanjika Fwalo kuli enu ngwenyi, Lovolenu cisava, wambe kuli Alone ngwove, Kwata mukombo wove, uumbile hamavu, kumeso aFwalo, mangana walumuke kupwa linoka. VaMose naAlone vengilile muli Fwalo, valingile nge omu avalwe­zele Yehova. Alone ambilile mukombo wenyi hamavu kumeso aFwalo nakumeso avangamba jenyi, kaha walumukile kupwa linoka.